সেনা আৰক্ষীয়ে গিজগিজাই থকা ৰঙিয়াৰ ঐতিহাসিক তৰণী হৰিমন্দিৰৰ প্ৰণামীৰ ধন পুনৰ লুটি নিয়াৰ ঘটনাই চাঞ্চল্যৰ সৃষ্টি কৰে। বিয়লিৰ ভাগত দুৰ্বৃত্তই সংঘটিত কৰে এই কাণ্ড। লগে লগে একাংশ প্ৰত্যক্ষ দৰ্শীয়ে হৈ চৈ লগোৱাত ধন লৈ পলায়নৰ চেষ্টা কৰে যদিও কিছু নিলগত আটক কৰিবলৈ সক্ষম হয় যুৱক জনক।
পিছত ঘটনা স্থলীত তুলসীবাৰী আৰক্ষী চকীৰ লোক উপস্থিত হোৱাত আটকাধীন যুৱকজনক গটাই দিয়ে। পূৰ্বতেও কেইবাবাৰো সংঘটিত হৈছিল তদ্ৰুপ ঘটনা৷
