গুৱাহাটীঃ অসম উচ্চতৰ মাধ্যমিক শিক্ষা পৰিষদে অহা ২৭ জুন (সোমবাৰে) পুৱা ৯ বজাত অসম উচ্চতৰ মাধ্যমিক শিক্ষা পৰিষদৰ পৰীক্ষা ২০২২ৰ ফলাফল প্ৰকাশ কৰিব।
উচ্চতৰ মাধ্যমিক দ্বাদশ শ্ৰেণীৰ পৰীক্ষাৰ ফলাফলসমূহ অফিচিয়েল ৱেবছাইট- ahsec.assam.gov.in ৰ উপৰিও results.shiksha, assamresult.in, assamresult.co.in ত উপলব্ধ হ’ব।
২০২২ চনৰ ১৫ মাৰ্চৰ পৰা অনুষ্ঠিত হৈ যোৱা ১২ এপ্ৰিলত সমাপ্ত হোৱা উচ্চতৰ মাধ্যমিক পৰীক্ষাত প্ৰায় ২.৫ লাখ ছাত্ৰ-ছাত্ৰী অৱতীৰ্ণ হৈছিল।
যোৱা বছৰ উচ্চতৰ মাধ্যমিক পৰীক্ষাত বিজ্ঞান শাখাত উত্তীৰ্ণৰ হাৰ আছিল ৯৯.০৬ শতাংশ। সেইদৰে কলা শাখাত ৯৮.৯৩ শতাংশ আৰু বাণিজ্য শাখাত ৯৯.৫৭ শতাংশ উত্তীৰ্ণ হাৰ আছিল।
