সমৰ দেৱনাথ, হোজাইঃ ৰাজ্যত ড্ৰাগছ আৰু নিচাজাতীয় সামগ্ৰীৰ বিৰুদ্ধে আৰক্ষীয়ে কঠোৰ অভিযান অব্যাহত ৰখাৰ সময়তে হোজাই জিলাৰ যোগীজানত আজি আৰক্ষীয়ে অভিযান চলাই ব্ৰাউন চুগাৰ জব্দ কৰিবলৈ সক্ষম হয়। আৰক্ষীয়ে এই ড্ৰাগছৰ সৰবৰাহৰে জড়িত থকাৰ অভিযোগত এগৰাকী মহিলাসহ দুজন লোকক আটক কৰি তদন্ত অব্যাহত ৰাখিছে।
স্থানীয় ৰাইজৰ সহযোগত আৰক্ষীয়ে চলোৱা অভিযানত যোগীজানৰ আমলি পুখুৰী ৰিজাৰ্ভৰ এটা পৰিয়ালৰ ঘৰৰ পৰা ব্ৰাউন চুগাৰখিনি জব্দ কৰিবলৈ সক্ষম হয়। আৰক্ষীয়ে ড্ৰাগছ ক্ৰয় কৰিবলৈ অহা এগৰাকী মহিলা আৰু এজন লোকক আটক কৰে যদিও ঘৰৰ মুৰব্বী ওৱাব আলীয়ে আৰক্ষী অহাৰ উমান পাই পলায়ন কৰে।জব্দকৃত ব্ৰাউন চুগাৰখিনিৰ ওজন ৬ গ্ৰাম বুলি জানিবলৈ দিয়ে আৰক্ষীয়ে।
