জম্মু-কাশ্মীৰৰ পুলৱামাত সন্ত্ৰাসবাদীৰে সংঘৰ্ষত শ্বহীদ এগৰাকী আৰক্ষী জোৱান।
দেওবাৰে পুলৱামাৰ পিংলানা অঞ্চলত সন্ত্ৰাসবাদীৰ বিৰুদ্ধে যুটীয়া অভিযান চলাইছিল চিআৰপিএফ আৰু আৰক্ষীয়ে।
এই অভিযানৰ সময়তে সন্ত্ৰাসবাদীৰ আকস্মিক আক্ৰমণত গুলীবিদ্ধ হৈ মৃত্যু এগৰাকী আৰক্ষী জোৱানৰ। আনহাতে আহত হৈছে এগৰাকী চিআৰপিএফ জোৱানো।
ইফালে একে দিনাই শ্বোপিয়ানত সেনা-আৰক্ষীৰ অভিযানত নিহত এজন সন্ত্ৰাসবাদী।
নিহত সন্ত্ৰাসবাদীজন লস্কৰ এ তৈবাৰ সদস্য আছিল বুলি নিশ্চিত কৰা হৈছে।
নিহত সন্ত্ৰাসবাদীজনক শ্বোপিয়ানৰ নৱপোৰা বাস্কুচনৰ নাছিৰ আহমেদ ভাট বুলি চিনাক্ত কৰা হৈছে।
