মৌ মাখিৰ জাকৰ আক্ৰমণৰ ফলত এজন লোকৰ মৃত্যু ঘটাৰ ঘটনাই শোকৰ ছাঁ পেলাইছে সমগ্ৰ মৰিগাঁৱত।
মৰিগাঁৱৰ শ্বহীদ ভৱনৰ সন্মুখত মৌ মাখিৰ আক্ৰমণত গুৰুতৰভাৱে আহত হৈছিল দীপক নন্দী নামৰ এজন লোক।
আহত লোকজনক ততাতৈয়াকৈ মৰিগাঁও অসামৰিক চিকিৎসালয়লৈ লৈ যোৱা হয় যদিও চিকিৎসকে মৃত ঘোষণা কৰে।
এই ঘটনাই তীব্ৰ চাঞ্চল্যৰ সৃষ্টি কৰিছে মৰিগাঁৱত।
উল্লেখযোগ্য যে এই এই অঞ্চলত বিগত কিছু দিনত কেইবাজনো লোকক আক্ৰমণ কৰিছে মৌমাখিৰ জাকটোৱে।
কিন্তু মৰিগাঁৱৰ কোনো বিভাগ বা প্ৰশাসনে কোনো ব্যৱস্থা গ্ৰহণ নকৰাত এই দুৰ্ভাগ্যজনক ঘটনা সংঘটিত হোৱা বুলি অভিযোগ উত্থাপন কৰে অঞ্চলবাসীয়ে।
জানিব পৰা মতে, নিহত দীপক নন্দী ওৰফে মধু মৰিগাঁৱৰ কোৱালিটি হোটেলৰ মালিক আছিল।
