পশ্চিম দিল্লীৰ পাঞ্জাৱী বাগৰ ৰোহটক পথত দেওবাৰে এখন ট্ৰাকে খুন্দা মৰাৰ ফলত নিৰাপত্তা শাখাত কৰ্তব্যৰত এজন দিল্লী আৰক্ষী পৰিদৰ্শকৰ মৃত্যু ঘটে।
এজন জ্যেষ্ঠ আৰক্ষী বিষয়াই জনোৱা মতে, দেওবাৰে পুৱতি নিশা মাডিপুৰ মেট্ৰ’ ষ্টেচনৰ সমীপৰ ৰোহটক ৰোডত এক দুৰ্ঘটনা সংঘটিত হয়, য’ত এখন গাড়ীত পিছফালৰ পৰা এখন ট্ৰাকে খুন্দা মাৰে। পিচিআৰক খবৰ দিয়াত এটা দল ঘটনাস্থলীলৈ প্ৰেৰণ কৰা হয়।
বিষয়াগৰাকীয়ে কয় যে, “কিছুমান যান্ত্ৰিক সমস্যাৰ বাবে গাড়ীখন ৰৈছিল যেতিয়া পিছফালৰ পৰা ট্ৰাকখনে খুন্দা মাৰে। বাহিৰত থিয় হৈ থকা গাড়ীখনৰ চালকজনকো খুন্দা মাৰে। তেওঁ গুৰুতৰভাৱে আঘাতপ্ৰাপ্ত হৈ মৃত্যুক সাৱটি লয়।”
নিহত লোকজন বৰ্তমান নিৰাপত্তা ইউনিটত কৰ্মৰত দিল্লী আৰক্ষীৰ পৰিদৰ্শক জগবীৰ সিং বুলি জানিব পৰা গৈছে। বিষয়াগৰাকীয়ে কয় যে, “ট্ৰাক চালকজনে ট্ৰাকখন এৰি ঠাইৰ পৰা পলায়ন কৰে। আইনী ব্যৱস্থা গ্ৰহণ কৰা হৈছে আৰু চালকজনৰ সন্ধান উলিয়াবলৈ চেষ্টা কৰা হৈছে।” বিষয়টোৰ অধিক তদন্ত চলি আছে।
