দেওবাৰে নিশা যোৰহাটৰ চিনামৰাত সংঘটিত হয় এক লোমহৰ্ষক হত্যাকাণ্ড। যোৰহাট চিনামৰাৰ বৰ চৰ্দাৰ লাইনত সংঘটিত এই হত্যাকাণ্ডই সমগ্ৰ অঞ্চলটোত তীব্ৰ চাঞ্চল্যৰ সৃষ্টি কৰিছে।
এগৰাকী মহিলাই উপৰ্যুপৰি প্ৰহাৰ কৰাত মৃত্যু হয় এজন যুৱকৰ। মৃত যুৱকজনৰ নাম কৃষ্ণ নায়ক (ভেড়া)। সুভেশ্বৰ তাঁতীৰ পত্নী বিৰজ মণি তাঁতীয়ে এখন কুঠাৰেৰে হঠাৎ যুৱকজনক উপৰ্যুপৰি প্ৰহাৰ কৰাত নিহত হয়।
পৰিয়ালকেন্দ্ৰিক শত্ৰুতাৰ বাবেই এই হত্যাকাণ্ড সংঘটিত হোৱা বুলি প্ৰাথমিক তথ্যত প্ৰকাশ। ঘটনাস্থলীত আৰক্ষী উপস্থিত হৈ তদন্ত আৰম্ভ কৰে।
