ৰাজ্যৰ স্বাস্থ্য বিভাগৰ অধীনস্থ মৰিগাঁৱৰ বঘৰা ৰাজ্যিক চিকিৎসালয়ে জিলাৰ লগতে ৰাজ্যলৈ গৌৰৱ কঢ়িয়াই আনিছে । ভাৰতীয় ডাক টিকেটতৰ মানচিত্ৰত সন্নিবিষ্ট হৈছে চিকিৎসালয় খনৰ ছবি।
১৯৩৮ চনতেই স্থাপন হোৱা বঘৰা ৰাজ্যিক চিকিৎসালয় খনৰ ছৱি সন্নিবিষ্ট হৈছে ভাৰতীয় ডাক টিকটৰ মানচিত্ৰত । চিকিৎসক ডাঃ অমৰজ্যোতি ডেকাৰ প্ৰচেষ্টাত এই সন্মান লভিছে চিকিৎসালয় খনে। উল্লেখ যে যি সময়ত চৰকাৰী চিকিৎসক আৰু স্বাস্থ্য খণ্ডৰ প্ৰতি ৰাইজৰ বিৰাগ সৃষ্টি হৈছে সেই সময়তে যুৱ চিকিৎসক অমৰজ্যোতি ডেকাই জহিখহি যোৱা চিকিৎসা লয় খনক নিজৰ ঘৰৰ দৰেই সজাই তুলিছে। তৰোপৰি ৰোগী আৰু ৰাইজৰ লগত গঢ়ি তুলিছে আত্মিক সম্পক। দিনৰাতি একাকাৰ কৰি আগবঢ়াইছে চিকিৎসা সেৱা। যাৰবাবে এতিয়া মানুহৰ মুখে মুখে চিকিৎসক গৰাকীৰ নাম। কেৱল সিমানেই ৰাজ্যৰ স্বাস্থ্য বিভাগৰ কায়াকল্প বটা আজুৰি অনা বঘৰা ৰাজ্যিক চিকিৎসা লয় এতিয়া স্বাস্থ্য বিভাগৰ বাবে এক মডেল স্বৰূপ হৈ পৰাৰ লগতে স্বাস্থ্য মন্ত্ৰী কেশৱ মহন্তই চিকিৎসক ডেকাক কালি ষ্টাফ কলেজত বিশেষ পাৰদৰ্শিতা বটা প্ৰদান কৰে। আজি চিকিৎসালয় খনৰ স্বাস্থ্য কৰ্মীৰ মাজত দেখা গল ব্যাপক উৎসাহ ।
