মঙলবাৰে মৰিগাঁও জিলাৰ এখন বিদ্যালয়ৰ এগৰাকী প্ৰধান শিক্ষকক উৎকোচৰ অভিযোগত আটক কৰে ভিজিলেন্স এণ্ড এণ্টি কৰাপশ্যন চেলে।
গ্ৰেপ্তাৰ কৰা লোকজন জিলাখনৰ মৈৰাবাৰী অঞ্চলৰ হাতীমূৰীয়া এম ভি স্কুলৰ প্ৰধান শিক্ষক দিদাৰুল ইছলাম বুলি জানিব পৰা গৈছে।
সংস্থাটোৰ মতে, ইছলামে অভিযোগকাৰীৰ পৰা চাৰ্ভিচ বুক আপডেট কৰাৰ বাবে আৰু লাষ্ট পে চাৰ্টিফিকেট (এল পি চি) প্ৰদান কৰাৰ বাবে উৎকোচ দাবী কৰিছিল, তাৰ পিছত অভিযোগকাৰীয়ে কৰ্তৃপক্ষক অৱগত কৰিছিল।
সেই অনুসৰি সতৰ্কতা আৰু দুৰ্নীতি বিৰোধী সঞ্চালকালয়ৰ দলটোৱে অভিযান চলাই উৎকোচ গ্ৰহণ কৰি থকাৰ সময়তে বিদ্যালয়খনৰ শিক্ষকৰ কমন ৰুমত ইছলামক হাতে-লোটে কৰায়ত্ব কৰে।
গ্ৰেপ্তাৰৰ পিছতে স্বতন্ত্ৰ সাক্ষীৰ উপস্থিতিত তেওঁৰ হাতত পৰা কলংকিত উৎকোচৰ ধন জব্দ কৰা হয়।
প্ৰধান শিক্ষকৰ বিৰুদ্ধেও সংশ্লিষ্ট ধাৰাত গোচৰ ৰুজু কৰা হৈছে।
