মৰাণৰ তিলৈ গ্ৰাম্য বজাৰ প্ৰেক্ষাগৃহত আজি অসম প্ৰদেশ কংগ্ৰেছৰ নিৰ্দেশত ‘মোৰ বুথ, মোৰ গৌৰৱ’ ‘আমাৰ ঐক্য, আমাৰ শক্তি’ শ্লোগানেৰে খোৱাং আৰু বৰবৰুৱা ব্লক কংগ্ৰেছ কমিটি উদ্যোগত বুথ সংকল্প শিবিৰ আয়োজন হয়। কেইবাশতাধিক বুথৰ কৰ্মী উপস্থিত থকা এই শিবিৰত কেনেদৰে ৰাইজৰ মাজত থাকি কৰ্মী সকলে বুথৰ কাম কৰিব তাৰ ওপৰত প্ৰশিক্ষণ প্ৰদান কৰে। উক্ত বুথ সংকল্প শিবিৰ অনুষ্ঠানত প্ৰাক্তন সাংসদ তথা অসম চাহ মজদুৰ সংঘৰ সভাপতি পৱন সিং ঘাটোৱাৰ, প্ৰাক্তন মন্ত্ৰী প্ৰনতি ফুকন, প্ৰাক্তন বিধায়িকা জীৱনতাৰা ঘাটোৱাৰৰ লগতে দলৰ বহু নেতাকৰ্মী উপস্থিত থাকে । আনহাতে যুৱ কংগ্ৰেছৰ নেতা প্ৰাঞ্জল ঘাটোৱাৰে কয় যে আগন্তুক নিৰ্বাচনত কংগ্ৰেছ ১০০ শতাংশ জয়ী হোৱাতো নিশ্চিত। লগতে কয় যে প্ৰাৰ্থিত্ব লৈ সকলোৱে মনোনিৱেশ কৰিব পাৰে আৰু নিজেও এগৰাকী প্ৰাথিত্ব প্ৰত্যাশি। এই ক্ষেত্ৰত হাইকামাণ্ডে জনাব বুলি জানিব দিয়ে।
