ডিজিটেল ডেস্কঃ উত্তৰ প্ৰদেশৰ মৈনপুৰী লোকসভা সমষ্টিৰ সাংসদৰূপে শপত গ্ৰহণ সমাজবাদী পাৰ্টীৰ নেত্ৰী ডিম্পল যাদৱৰ।
সদ্য অনুষ্ঠিত সমষ্টিটোৰ উপ নিৰ্বাচনত ২,৮৮,৪৬১ ভোটৰ ব্যৱধানত জয়লাভ কৰিছিল ডিম্পল যাদৱে।
ইয়াৰ পূৰ্বে সমষ্টিটোত প্ৰতিনিধিত্ব কৰিছিল তেওঁৰ শহুৰেক মুলায়েম সিং যাদৱে।
২০২২ চনৰ অক্টোবৰত শেষ নিশ্বাস ত্যাগ কৰিছিল সমষ্টিটোৰ পৰা ৫ বাৰকৈ জয়লাভ কৰা মুলায়ম সিং যাদৱে।
তাৰ পিছতে মৈনপুৰীৰ পৰা সমাজবাদী পাৰ্টীৰ নেত্ৰীৰূপে প্ৰতিদ্বন্দ্বিতা আগবঢ়াইছিল ডিম্পল যাদৱে।
সমষ্টিটোত জয়লাভ কৰাৰ পিছত সোমবাৰে তেওঁ সাংসদৰূপে শপতগ্ৰহণ কৰে।
