আইদুল হুছেইন, নলবাৰীঃ মুকালমুৱাৰ লাউতোলাত ভয়ংকৰ অগ্নিকাণ্ড। বিদ্যুতৰ তাঁৰত লাগি ধানখেৰ ভৰ্তি বাহনত অগ্নিকাণ্ড। স্থানীয় জাকিৰ আলী নামৰ লোকজনে নিজৰ বাহন খনেৰে ঘোগা গাঁওলৈ খেৰ নি থাকোতে লাওতোলাত বিদ্যুতৰ তাঁৰ স্পৰ্শ কৰাত অগ্নিকাণ্ড সংঘটিত হয়।
লগে লগে স্থানীয় লোকে বাহন খনৰ পৰা খেৰ সমূহ উলিয়াই জুইৰ পৰা ৰক্ষা কৰে বাহন খন। খেৰৰ ধোঁৱাই অঞ্চলটোত এক ভয়ংকৰ পৰিবেশৰ সৃষ্টি কৰে। স্থানীয় লোকৰ তৎপৰতাত এই অগ্নি নিৰ্বাপন সম্ভৱ হয়।
গ্ৰামাঞ্চলৰ বিদ্যুৎ সংযোগ ব্যৱস্থা কিমান ভয়ংকৰ অৱস্থাত আছে তাৰ উমান লব পাৰি এই দুর্ঘটনাৰ জৰিয়তে। স্থানীয় লোকৰ বিদ্যুৎ পৰিবাহী তাঁৰ সমূহৰ চৰকাৰে উচিত ব্যৱস্থা ল’বলৈ আহ্বান ৰাইজৰ।
