মিজোৰাম-ম্যানমাৰ সীমান্তত অভিযান চলাই অসম ৰাইফলছে সোমবাৰে চম্ফাই জিলাৰ টিয়াউ নদীত প্ৰায় ৩.১২ কোটি টকা মূল্যৰ ৭৮০ গ্ৰাম হেৰোইন জব্দ কৰিবলৈ সক্ষম হয়। অসম ৰাইফলছৰ এক বিবৃত্তিত এই অভিযানৰ বিষয়ে জানিবলৈ দিয়া হৈছে।
অসম ৰাইফলছৰ বিবৃত্তিটোত উল্লেখ কৰা মতে, এক নিৰ্দিষ্ট তথ্যৰ ভিত্তিত চলোৱা অভিযানকালত টিয়াউ নদীৰে ৬৬ টা চাবোনৰ বাকচত ভৰাই হেৰোইনখন সৰবৰাহ কৰাৰ সময়তে অভিযানকাৰী দলে জব্দ কৰে।
আনহাতে এক সূত্ৰৰ খবৰ অনুসৰি, ড্ৰাগছখিনিৰ সৰবৰাহৰে জড়িত থকাৰ অভিযোগত এজন লোকক আটক কৰা হৈছে।
৩.১২ কোটি টকা মূল্যৰ নিষিদ্ধ হেৰোইনখিনি পৰৱৰ্তী আইনী প্ৰক্ৰিয়াৰ বাবে ৰাজ্যিক আবকাৰী আৰু নিচাজাতীয় সামগ্ৰী বিভাগক হস্তান্তৰ কৰা হৈছে।
