তিনিচুকীয়া জিলাৰ মাৰ্ঘেৰিটাত বন্যহস্তীৰ আক্ৰমণত নিহত হয় এজন লোক। নিহত ব্যক্তিজনৰ মাৰ্ঘেৰিটাৰ বজালনী গাঁৱৰ ৰাজীৱ গগৈ বুলি চিনাক্ত কৰা হৈছে।
খবৰ অনুসৰি, শনিবাৰে নিশা ব্যক্তিজনে মাকুম কিলা পথৰ ধাননি পথাৰ ৰখি থকাৰ সময়তে বনাঞ্চলৰ পৰা ওলাই অহা বন্যহস্তীয়ে ব্যক্তিজনক আক্ৰমণ কৰাত ঘটনাস্থলীতে মৃত্যু ঘটে।
মাৰ্ঘেৰিটা আৰক্ষী থানাৰ ভাৰপ্ৰাপ্ত বিষয়া সোমেশ্বৰ কোঁৱৰে জনায় যে তেওঁৰ দলটো ঘটনাস্থলীলৈ গৈ মৃতদেহটো মৰণোত্তৰ পৰীক্ষাৰ বাবে তিনিচুকীয়া অসামৰিক চিকিৎসালয়লৈ প্ৰেৰণ কৰিছিল।
মাৰ্ঘেৰিটা ৱেষ্ট ৰেঞ্জ বন বিষয়াসকলে মৃতকৰ অন্ত্যেষ্টিক্ৰিয়াৰ বাবে নিকটাত্মীয়ক ৫,০০০ টকাৰ সাহায্য প্ৰদান কৰে।
