প্ৰকৃত শিৱসেনাৰ পৰাই পুনৰ মুখ্যমন্ত্ৰী হব মহাৰাষ্ট্ৰৰ। -এই দাবী শিৱসেনাৰ প্ৰধান উদ্ধৱ থাকৰেৰ।
ইয়াৰ পূৰ্বে এক সাক্ষাৎকাৰত তেওঁ কয় যে তেওঁক প্ৰতাৰণা কৰা হৈছে।
বুধবাৰে তেওঁ এক বিবৃতি প্ৰদান কৰি বিধানসভা আৰু স্থানীয় সংস্থাৰ আসন দুয়োটাৰে বাবে নিৰ্বাচন অনুষ্ঠিত হোৱাটো বিচাৰে।
প্রাক্তন মুখ্যমন্ত্রীগৰাকীয়ে আৰু দাবী কৰে যে অহা নির্বাচনৰ সৈতে শিৱসেনাৰ নিজা মুখ্যমন্ত্রী থাকিব৷
থাকৰেয়ে কয় যে এইটো নিশ্চিত কৰিবলৈ তেওঁ অতি সোনকালে সমগ্ৰ ৰাজ্য ভ্ৰমণ কৰি দল আৰু ইয়াৰ সদস্যসকলক সাক্ষাৎ আৰু সতেজ কৰি তুলিব।
তেওঁ আগষ্ট মাহৰ পৰা ৰাজ্য ভ্ৰমণ আৰম্ভ কৰাৰ লগতে দলৰ ঘাটিৰ লগতে সদস্যৰ সংখ্যাও বৃদ্ধি কৰাটো নিশ্চিত কৰিব বুলি জনায়।
উল্লেখ কৰিব পাৰি যে মহাৰাষ্ট্ৰত উচ্চ ৰাজনৈতিক অস্থিৰতাৰ পিছত থাকৰেয়ে মুখ্যমন্ত্ৰীৰ পদ এৰিবলগীয়া হৈছিল।
ইয়াৰ পিছতে ৰাজ্যৰ মুখ্যমন্ত্ৰী হিচাপে দায়িত্ব গ্ৰহণ কৰে একনাথ শিণ্ডে।
