অহা ২ মে’ত বিধান সভা নিৰ্বাচনৰ ভোট গণনাৰ বাবে সাজু হৈছে যোৰহাট জিলা প্ৰশাসন| আজি যোৰহাট আৱৰ্ত্ত ভৱনত অনুস্থিত এক সংবাদ মেলত প্ৰশাসনৰ প্ৰস্তুতি সম্পৰ্কে মন্তব্য কৰে জিলা উপায়ুক্তই| গণনাৰ দিনটোৰ বাবে কভিডৰ সংক্ৰমন ৰোধৰ বাবে নিৰ্ধাৰণ কৰা হৈছে বহুকেইটা নতুন নিয়ম| সেই অনুসৰি বিজয়ী প্ৰাৰ্থীয়ে চাৰ্টিফিকেট লবৰ সময়ত মাত্ৰ ২ জন ব্যক্তি লগত আনিব পাৰিব| ভোট গণনা কেন্দ্ৰৰ বাহিৰত গোট খাব নোৱাৰিব ৰাইজ| দলীয় এজেন্টে পৰিধান কৰিব লাগিব পিপিই কিট| যোৰহাট নিৰ্বাচনী জিলাত দেৰগাওঁ যোৰহাট আৰু টিয়ক সমষ্টিৰ বাবে ৪২ খন টেবুলত ৫১ ৰাউণ্ডত ভোট গননা হ’ব আৰু পুৱা ৮ বজাৰ পৰা আৰম্ভ হ’ব ভোট গণনা| ৭ বজাত মুকলি কৰা হ’ব ষ্ট্ৰং ৰুম।
