বাক্সা জিলাৰ বৰিমখাত সোমবাৰে বিয়লি মৰা পাগলদিয়া নৈৰ পাৰত এটা একে-৪৭সহ বহু পৰিমাণৰ মৰাণাস্ত্ৰ উদ্ধাৰ কৰিবলৈ সক্ষম হয় আৰক্ষীয়ে৷ জানিব পৰা মতে, এক গোপন সূত্ৰৰ খবৰৰ ভিত্তিত আৰক্ষীয়ে বৰিমখাৰ মৰা পাগলদিয়া নৈৰ পাৰত মৰাণাস্ত্ৰৰ সন্ধানত এক অভিযান চলায়৷ এই অভিযানকালত মৰা পাগলদিয়া নৈৰ বালিচৰত পুতি থোৱা অৱস্থাত মেগজিনসহ এটা এ.কে-৪৭, ১০৭ জাই সজীৱ গুলী আৰু এটা পিষ্টল উদ্ধাৰ কৰিবলৈ সক্ষম হয়৷ অৱশ্যে কোনে এই মৰাণাস্ত্ৰসমূহ নৈৰ বালিচৰত পুতি থৈছিল সেয়া এতিয়াও ৰহস্য হৈয়ে আছে৷
