এক গোপন সূত্ৰৰ ভিত্তিত বৰপেটা সদৰ আৰক্ষী থানাৰ ভাৰপ্ৰাপ্ত বিষয়া ৰঞ্জন দলেৰ নেতৃত্বত বৰপেটা আৰক্ষীৰ এটা দলে সোনকুছি কলনিৰ ৰফিকুল ইছলাম নামৰ এজন ব্যক্তিৰ ঘৰত তালাচী অভিযান চলাই বৃহৎ পৰিমাণৰ হেৰোইন উদ্ধাৰ কৰিবলৈ সক্ষম হয়। অৱশ্যে আৰক্ষীৰ অভিযানৰ উমান পাই ৰফিকুল ইছলাম পলায়ন কৰিবলৈ সক্ষম হয়।
তালাচীৰ সময়ত, ঘৰটোৰ পৰা ৮.৪১ গ্ৰাম হেৰোইন আৰু ২০ টা খালী পাত্ৰ আৰু ৬০,১৯০ টকা থকা এটা চাবোন কেছ উদ্ধাৰ কৰিবলৈ সক্ষম হয়। এই সন্দৰ্ভত, আৰক্ষীয়ে ৰফিকুল ইছলামৰ পত্নী ৰছিদা খাতুনক আটক কৰে। মহিলাগৰাকীক জেৰাৰ বাবে বৰপেটা সদৰ আৰক্ষী থানালৈ অনা হৈছে।
