বৰপেটা জিলাৰ দুটা স্থানত গোপন খবৰৰ ভিত্তিত হাউলী আৰক্ষীয়ে এক অভিযান চলাই গ্ৰেপ্তাৰ কৰিবলৈ সক্ষম হয় দুটা দুৰ্ধৰ্ষ ডকাইতক।
আৰক্ষীয়ে প্ৰথমে অভিযান চলাই হাউলীৰ দেউৰীপাৰাৰ পৰা চুলতান মাহমুদ নামৰ ডকাইতটোক গ্ৰেপ্তাৰ কৰে, পিছত তাৰ স্বীকাৰোক্তিৰ ভিত্তিত বৰপেটা ৰোডৰ ভালুকীৰ পৰা গ্ৰেপ্তাৰ কৰা হয় আনটো ডকাইত ছৈয়দ আলীক।
দুয়োৰে পৰা আৰক্ষীয়ে এটা ৯ এম এম পিষ্টল, ৯ জাঁই সজীৱ গুলী, এখন কুঠাৰ আৰু এখন দা উদ্ধাৰ কৰে।
আৰক্ষীয়ে জানিবলৈ দিয়া মতে, এই দুই ডকাইতে বৰপেটা অঞ্চলত একাধিক ডকাইতি কাণ্ডৰ সৈতে জড়িত আছিল।
