নলবাৰী জিলাৰ বৰক্ষেত্ৰী ৰাজহ চক্ৰৰ অন্তৰ্গত কছুৱাত সোমবাৰে সন্ধিয়া সংঘটিত এক ভয়ংকৰ অগ্নিকাণ্ডত সম্পূৰ্ণৰূপে ভস্মীভূত হয় ৰমেশ দাস নামৰ এজন ব্যক্তিৰ বাসগৃহ। সন্ধিয়া ৰান্ধনী শালৰ পৰা সূত্ৰপাত হোৱা এই জুয়ে নিমিষতে সম্পূৰ্ণ ঘৰটো ভস্মীভূত কৰে।
অগ্নিকাণ্ডত পৰিয়ালটোৰ কেইবালাখ টকাৰ সা-সম্পত্তিৰ লগতে বহু গুৰুত্বপূৰ্ণ কাগজ পত্ৰও জ্বলি ছাই হৈ পৰে। পিছত ঘটনাস্থলীত মুকালমুৱা অগ্নি নিৰ্বাপক বাহিনীৰ গাড়ী উপস্থিত হৈ স্থানীয় ৰাইজৰ সহযোগত জুই নিৰ্বাপন কৰিবলৈ সক্ষম হয়।
