বুধবাৰে নিশা কাৰ্বি আংলং জিলাৰ বোকাজানত জিম্মাত পৰাৰ পৰা পলাবলৈ চেষ্টা কৰাৰ অভিযোগত আৰক্ষীৰ গুলীত আঘাতপ্ৰাপ্ত হয় এজন ড্ৰাগছ সৰবৰাহকাৰী।
সূত্ৰৰ পৰা জানিব পৰা মতে, ড্ৰাগছ সৰবৰাহৰ অভিযোগত অভিযুক্তক গ্ৰেপ্তাৰ কৰাৰ পিছত জিম্মাৰ পৰা পলায়নৰ চেষ্টা কৰিছিল। আনকি এজন আৰক্ষীৰ চাৰ্ভিচ পিষ্টল কাঢ়ি নিবলৈও চেষ্টা কৰিছিল।
অভিযুক্তৰ নাম শ্বাহিদ হুছেইন।
আৰক্ষীয়ে তেওঁক পলায়ন কৰাত বাধা দিবলৈ গুলীচালনাৰ আশ্ৰয় ল’বলগীয়া হয়, যাৰ ফলত তেওঁ আঘাতপ্ৰাপ্ত হয়।
পূর্বৰ নিশা সৰবৰাহকাৰীৰ ঘৰত অভিযান চলাই আৰক্ষীয়ে এটা কফিনত ভৰাই থোৱা ৯৪টা চাবোনৰ বাকচৰ ভিতৰত ভৰাই থোৱা ১.১৭৬ কেজি হেৰ’ইন ড্ৰাগছ জব্দ কৰে।
অভিযানৰ সময়ত অভিযুক্ত শ্বাহিদ হুছেইন আৰু সহযোগী আছাদুল ৰহমানক আটক কৰে।
আৰক্ষীয়ে জনোৱা মতে, অভিযুক্তই বৰফৰ কাৰখানাৰ বেশত ড্ৰাগছ সৰবৰাহৰ ৰেকেটটো চলাইছিল।
আৰক্ষীয়ে এই যুটিটোৰ বিৰুদ্ধে ভাৰতীয় দণ্ডবিধিৰ সংশ্লিষ্ট ধাৰাত গোচৰ ৰুজু কৰে।
About the Author
