দেওবাৰে মাজনিশা বিশ্বনাথত ৫৪ টা গৰু চোৰাংকৈ সৰবৰাহৰ সময়ত আৰক্ষীয়ে অভিযান চলাই ৭ জনক আটক কৰে।
আৰক্ষীয়ে জানিবলৈ দিয়া মতে, গৰু সৰবৰাহকাৰী কেইজনক গহপুৰৰ মাগনি অঞ্চলৰ পৰা আটক কৰা হয়।
ধৃত সৰবৰাহকাৰী কেইজনক মহিদুল ইছলাম, পূৰ্ণ গগৈ, জাভেদ আলী, খুৰছেদ আলী, ৰফিকুল ইছলাম, ছোহিদুল ইছলাম আৰু বিকাশ গগৈ বুলি চিনাক্ত কৰা হৈছে। অভিযানৰ সময়ত আৰক্ষীয়ে চাৰিখন পিক-আপ ট্ৰাক জব্দ কৰে।
আৰক্ষীয়ে জানিবলৈ দিয়া মতে, এএছ-১৩এচি-২০৬২, এএছ-১২বিচি-৭৪৮৫, এএছ-১২বিচি-৮২৭৫ আৰু এএছ-২৭ চি-৭৬৮৮ নম্বৰৰ গৰু ভৰ্তি ট্ৰাক কেইখন জব্দ কৰে।
জব্দ কৰাৰ সন্দৰ্ভত পৰৱৰ্তী অনুসন্ধান চলি আছে।
