বিশ্বনাথ জিলাৰ বিহালীত আৰক্ষীয়ে অভিযান চলাই বৃহৎ পৰিমাণৰ নকল সোণসহ এজন লোকক আটক কৰিবলৈ সক্ষম হয়।
আৰক্ষীয়ে জানিবলৈ দিয়া মতে, বিহালীৰ বৰগাঙত ১৫নং ৰাষ্ট্ৰীয় ঘাইপথত চলোৱা অভিযানৰ সময়ত উদ্ধাৰ হ বৃহৎ পৰিমাণৰ নকল সোণখিনি।
হাছিনুৰ ৰহমান নামৰ এজন লোকে এ এছ ০৭ তি ১৫৪৫ নম্বৰৰ এখন এল্ট’ গাড়ীৰে নকল সোণখিনি লৈ গৈ থকা অৱস্থাত বিহালী আৰু বৰগাং আৰক্ষীয়ে জব্দ কৰে।
আৰক্ষীয়ে সদৰী কৰা মতে, লখিমপুৰৰ পৰা তেজপুৰ অভিমুখে আহি থকা বাহনখনৰ পৰা ৫০ কেজি সন্দেহজনক নকল সোণ জব্দ কৰা হৈছে।
ইফালে ধৃত হাছিনুৰ বিহপুৰীয়াৰ দৌলতপুৰ গাঁৱৰ বুলি জানিবলৈ দিয়ে বিহালী আৰক্ষী থানা ভাৰপ্ৰাপ্ত আৰক্ষী বিষয়া ধীৰাজ জ্যোতি নমঃশূদ্ৰই।
