নিমাতী ঘাটৰ শোকাবহ নাও দুৰ্ঘটনাৰ পিছত নিৰুদ্দেশ হৈ থকা ইন্দ্ৰেশ্বৰ বৰা ওৰফে যেন বৰাৰ মৃতদেহ অৱশেষত উদ্ধাৰ হল বিশ্বনাথ ঘাটত।
পুৱা কাজিৰঙাৰ ষষ্ঠ সংযোজন বনকৰ্মীসকলে মৃতদেহটো প্ৰত্যক্ষ কৰি আৰক্ষীক খবৰ দিয়াত ঘটনাস্থলীত আৰক্ষীৰ দল উপস্থিত হৈ মৃতদেহটো উদ্ধাৰ কৰে। পিছত ইন্দ্ৰেশ্বৰ বৰাৰ খুৰাকে মৃতদেহটো চিনাক্ত কৰে।
মৃতদেহটোৰ লগতে ইন্দ্ৰেশ্বৰ বৰাৰ নথি-পত্ৰ উদ্ধাৰ কৰা হৈছে। উল্লেখ্য যে, উক্ত স্থানৰ কিছু নিলগত শুকুৰবাৰে ইন্দ্ৰেশ্বৰ বৰাৰ পত্নীৰ বেগটো উদ্ধাৰ হৈছিল।
