বিজনীৰ খুজৰাবগুৰীত নৈপৰীয়া ৰাইজৰ প্ৰতিবাদ।আই নৈৰ মথাউৰীৰ পাৰত প্ৰতিৰোধী বান্ধ নিৰ্মাণৰ দাবীত প্ৰতিবাদ নামিল দুখনকৈ গাঁৱৰ ৰাইজ। দল, সংগঠন নহয়, এইবাৰ প্ৰতিবাদত নামিল নৈপৰীয়া ৰাইজ। এই প্ৰতিবাদী কাৰ্যসূচী ৰূপায়ণ কৰা হৈছে চিৰাং জিলাৰ বিজনীৰ ২ নং খুজৰাবগুৰীত।২ নং খুজৰাবগুৰী আৰু ১ নং খুজৰাবগুৰী গাওঁ দুখনৰ ৰাইজে আই নৈৰ মথাউৰীৰ কাষত প্ৰতিৰোধী বান্ধ নিৰ্মাণৰ দাবীত গাওঁ দুখনৰ পুৰুষ মহিলা ওলাই আহি ৰূপায়ণ কৰিলে এই প্ৰতিবাদী কাৰ্যসূচী। নৈপৰীয়া গাওঁ দুখনৰ ৰাইজে আই নৈৰ গৰাখহনীয়া ৰোধ কৰক, আই নৈৰ প্ৰতিৰোধী বান্ধ নিৰ্মাণ কৰক আদি শ্লোগান প্ৰদান কৰি উত্তাল প্ৰতিবাদ সাব্যস্ত কৰে আই নৈৰ মথাউৰীত।উক্ত অঞ্চল সমূহত মন্ত্ৰী, বিধায়ক, জিলা প্ৰশাসনিক বিষয়া আহি পৰিদৰ্শন কৰি গ’ল কিন্তু মথাউৰীটোত প্ৰতিৰোধী বান্ধ নিৰ্মাণৰ বাবে কোনো ব্যৱস্থা গ্ৰহণ নকৰিলে বুলি অভিযোগ উত্থাপন কৰে প্ৰতিবাদী ৰাইজে।
