কামৰূপ জিলাৰ বকোত শনিবাৰে নিশা সংঘটিত এক ভয়ংকৰ পথ দুৰ্ঘটনাত প্ৰান হেৰুৱায় এজন যুৱকে। জানিব পৰা মতে, বকো থানাৰ অন্তৰ্গত নাগোপাৰাগাঁৱত ১৭নং ৰাষ্ট্ৰীয় ঘাইপথত সংঘটিত হয় এই পথ দুৰ্ঘটনা।
ঘটনাৰ বিৱৰণী অনুসৰী, এএছ ০১বিএম ০৮৪০ নম্বৰৰ স্কূটীখনেৰে সুমিত বসাক নামৰ ১৯ বছৰীয়া যুৱকজন গৈ থকা সময়তে বিপৰীত দিশৰ পৰা অহা এএছ ১৮এচি ০৫৫১ নম্বৰৰ এখন দ্ৰুতবেগী ট্ৰাকে প্ৰচণ্ড জোৰে খুন্দা মাৰে স্কুটীখনত। যাৰ ফলত স্কুটী আৰোহী সুমিত বসাকৰ ঘটনাস্থলীতে মৃত্যু ঘটে।
ইফালে ঘটনাৰ পিছত ঘটনাস্থলীত আৰক্ষীৰ দল উপস্থিত হৈ মৃতদেহটো উদ্ধাৰ কৰি মৰোণত্তৰ পৰীক্ষাৰ বাবে প্ৰেৰণ কৰিছে। জানিব পৰা মতে, মৃত সুমিত বসাকৰ ঘৰ বকোৰ ২নং ডাকুৱাপাৰা গাঁৱত আছিল।
