ফেব্ৰুৱাৰী মাহত ৰাজ্যত স্থাপন কৰা হ’ব ৫০০ খন নতুন বিদ্যালয়ৰ নিৰ্মাণৰ আধাৰশিলা। শুকুৰবাৰে এই ঘোষণা কৰে মুখ্যমন্ত্ৰী হিমন্ত বিশ্ব শৰ্মাই।
সংবাদ মাধ্যমৰ সন্মুখত শৰ্মাই কয়, “আমি সাজু আছো। চৰকাৰৰ যি আঁচনি আছে, আমি ১৫ ফেব্ৰুৱাৰীৰ আগতে সম্পূৰ্ণ কৰিম। ফেব্ৰুৱাৰী মাহত আমি অসমত ৫০০খন নতুন বিদ্যালয় নিৰ্মাণৰ আধাৰশিলা স্থাপন কৰিম।’’
বিভিন্ন পদক্ষেপৰ ভিতৰত মুখ্যমন্ত্ৰীয়ে ৰেচন কাৰ্ড আৰু উদ্যমিত্ৰৰ দৰে গুৰুত্বপূৰ্ণ প্ৰকল্পসমূহৰ ওপৰত আলোকপাত কৰে, আৰু নিৰ্ধাৰিত সময়সীমাৰ ভিতৰত এই প্ৰচেষ্টাসমূহ সম্পূৰ্ণ হ’ব বুলি আশ্বাস দিয়ে। শৰ্মাই কয়, ‘প্ৰতিখন বিদ্যালয়ৰ বাবে আমি প্ৰায় ৬-৭ কোটি টকা দিছো। গতিকে, পষেক হ’ব। ১৫ ফেব্ৰুৱাৰীৰ পৰা ২৮ ফেব্ৰুৱাৰীলৈ উন্নয়নৰ পষেক হ’ব।”
ইয়াৰ সমান্তৰালকৈ অসম বিধানসভাৰ বাজেট অধিৱেশন ৫ ফেব্ৰুৱাৰীৰ পৰা ২৮ ফেব্ৰুৱাৰীলৈ চলিব, যিটো মুখ্যমন্ত্ৰী শৰ্মাৰ নেতৃত্বত তৃতীয় অধিৱেশন।
বিত্তমন্ত্ৰী অজন্তা নেওগে ১২ ফেব্ৰুৱাৰীত বাজেট দাখিল কৰাৰ কথা, বিধানসভাত গুৰুত্বপূৰ্ণ বিষয়সমূহৰ ওপৰত আলোচনা, উপস্থাপন আৰু বিতৰ্ক অনুষ্ঠিত হ’ব।
বহুবিবাহ নিষিদ্ধকৰণ আৰু মাজুলী, বটদ্ৰৱা আৰু বৰপেটাক “সুৰক্ষিত বেল্ট আৰু ব্লক” হিচাপে ঘোষণা কৰাৰ ওপৰত গুৰুত্ব আৰোপ কৰা প্ৰস্তাৱিত বিধেয়কসমূহ অধিৱেশনৰ সময়ছোৱাত অনুমোদন জনোৱাৰ সম্ভাৱনা আছে।
মুখ্যমন্ত্ৰী হিমন্ত বিশ্ব শৰ্মাই আগতীয়াকৈ বহুবিবাহ নিষেধাজ্ঞাক লৈ আস্থা প্ৰকাশ কৰি কয় যে আমি ইয়াৰ বাবে অতি কঠোৰ পৰিশ্ৰম কৰি আছো।
৫ ফেব্ৰুৱাৰীৰ পৰা ৰাজ্যপালৰ ভাষণেৰে আৰম্ভ হ’ব বিধানসভাৰ অধিৱেশন, তাৰ পিছত মৃত সদস্যসকলক শ্ৰদ্ধাঞ্জলি আৰু ৰাজ্যপালৰ ভাষণৰ ওপৰত ধন্যবাদ জ্ঞাপন কৰা হ’ব।
৬ আৰু ৭ ফেব্ৰুৱাৰীত প্ৰশ্নোত্তৰ অধিবেশন আৰু ধন্যবাদৰ প্ৰস্তাৱৰ ওপৰত অধিক আলোচনা অনুষ্ঠিত হ’ব।
