ডিজিটেল ডেস্কঃ নিবনুৱা সমস্যা ক’ত? কেৱল কেন্দ্ৰীয় চৰকাৰে প্ৰতিমাহে ১৫-১৬ লাখ চাকৰিৰ সুযোগ সৃষ্টি কৰি আছে। মঙলবাৰে এই দাবী কৰে ৰে’ল মন্ত্ৰী অশ্বিনী বৈষ্ণৱে। তেওঁ দাবী কৰে যে বিশ্বৰ বিত্তীয় সংকটৰ প্ৰাদুৰ্ভাৱৰ ফলত ভাৰতত কোনো প্ৰভাৱ পৰা নাই। ভাৰতে এতিয়াও মাহে ১৫-১৬ লাখ চাকৰিৰ সৃষ্টি কৰি আছে।
মঙলবাৰে দ্বিতীয় সংস্কৰণৰ ৰ’জগাৰ মেলাৰ মঞ্চত থিয় হৈ ৰে’ল মন্ত্ৰীগৰাকীয়ে দাবী কৰে যে দেশক সদায় আগুৱাই নিয়াৰ বিজেপিৰ নীতিয়ে আমাক সকলো সমস্যা দূৰ কৰি আগুৱাই যোৱাত সহায় কৰিছে। দেশক আগুৱাই নিয়াসকলে কোনো সমস্যাৰ সন্মুখীন হ’ব নালাগে। ৰোজগাৰ মেলাৰ মঞ্চত অশ্বিনী বৈষ্ণৱে কয়, ‘গোলকীয় আৰ্থিক সংকটৰ মাজতো ভাৰত শক্তিৰ উৎস হিচাপে আত্মপ্ৰকাশ কৰিছে। কেন্দ্ৰীয় চৰকাৰে এতিয়াও প্ৰতিমাহে ১৫-১৬ লাখ চাকৰিৰ সৃষ্টি কৰি আছে।” কেন্দ্ৰীয় মন্ত্ৰীগৰাকীয়ে দাবী কৰে যে মোডী চৰকাৰৰ নীতিৰ সৈতে সমাজৰ সকলো শ্ৰেণীৰ লোকৰ অৱস্থা ভাল।
যদিও কেন্দ্ৰীয় মন্ত্ৰীগৰাকীয়ে বৃহৎ সংস্থাপনৰ দাবী কৰিছে, তথাপিও প্ৰশ্ন উত্থাপন হৈছে যে তেওঁৰ প্ৰতিফলন মাটিত কিমান। যিহেতু কেন্দ্ৰই ৰোজগৰ মেলাৰ আয়োজন আৰম্ভ কৰিছে, সেয়েহে ২২ অক্টোবৰত দিল্লীত প্ৰথম পৰ্যায়ৰ ৰোজগাৰ মেলাৰ আৰম্ভণিতে প্ৰধানমন্ত্ৰী নৰেন্দ্ৰ মোদীয়ে নিজেই কয় যে, “অহা এবছৰত চৰকাৰে ১০ লাখ চাকৰিৰ লক্ষ্য নিৰ্ধাৰণ কৰিছে।” য’ত প্ৰধানমন্ত্ৰীয়ে নিজেই এবছৰত মাত্ৰ ১০ লাখ চৰকাৰী চাকৰি দিয়াৰ দাবী জনাইছে, কেনেকৈ তেওঁৰ মন্ত্ৰীয়ে এমাহত ১৬ লাখ চাকৰিৰ দাবী কৰিছে?
মন কৰিবলগীয়া যে এই পৰ্যন্ত কেন্দ্ৰই কেন্দ্ৰীয় পৰ্যায়ত মুঠ দুখন ৰোজগাৰ মেলাৰ আয়োজন কৰিছে। ইয়াৰে প্ৰথমটোত ৭৫ হাজাৰ চাকৰিৰ আকাংক্ষীক চৰকাৰী চাকৰি নিযুক্তি পত্ৰ দিয়া হৈছিল। মঙলবাৰে প্ৰধানমন্ত্ৰীয়ে কেন্দ্ৰীয় পৰ্যায়ৰ ৰ’জগাৰ মেলাৰ দ্বিতীয় পৰ্যায়ৰ আৰু প্ৰায় ৭১ হাজাৰ চৰকাৰী চাকৰিৰ নিযুক্তি পত্ৰ প্ৰদান কৰে। অর্থাৎ দুখন নিয়োগ মেলাত ১ লাখ ৪৬ হাজাৰ চাকৰি পোৱা গৈছে৷
