পুনৰ পৰ্যটকৰ বাবে মুকলি হ’ব কাজিৰঙা ৰাষ্ট্ৰীয় উদ্যান। বিগত বৰ্ষত পৰ্যটকৰ আগমনে অভিলেখ গঢ়াৰ দৰে এইবাৰ কাজিৰঙা পৰ্যটন বৰ্ষ আৰম্ভ কৰিবলৈ যো- জা কৰিছে ৰাষ্ট্ৰীয় উদ্যান কৰ্তৃপক্ষই। কাইলৈ পৰ্যটকৰ বাবে মুকলি হ’ব কাজিৰঙা ৰাষ্ট্ৰীয় উদ্যান। ইয়াৰ লগে লগে আৰম্ভ হ’ব ২০২৪-২৫ পৰ্যটন বৰ্ষ।ইতিমধ্যে ৰাষ্ট্ৰীয় উদ্যানখনৰ বাট- পছ মেৰামতি কৰাৰ লগতে উদ্যানত পৰ্যটকক ফুৰাবলগীয়া জীপ চালকসকলৰো প্ৰশিক্ষণ প্ৰায় সম্পূৰ্ণ হৈছে। ১ অক্টোবৰত ৰাষ্ট্ৰীয় উদ্যানখনৰ কাজিৰঙা বনাঞ্চল, বাগৰি বনাঞ্চল আৰু বুঢ়া পাহাৰ বনাঞ্চলৰ কেইটামান অংশহে মুকলি কৰি দিয়া হ’ব।প্ৰথম অৱস্থাত জীপ ছাফাৰী আৰম্ভ হ’ব যদিও ১ নৱেম্বৰৰ পৰা হাতী ছাফাৰীও আৰম্ভ হ’ব।
