নিৰ্বাচনত শোচনীয় পৰাজয়ৰ পিছতে পদত্যাগ পঞ্জাৱ কংগ্ৰেছৰ সভাপতি নৱজ্যোৎ সিং সিদ্ধুৰ।
দলৰ অধ্যক্ষ ছোনীয়া গান্ধীলৈ পত্ৰ লিখি পদত্যাগ কৰে সিদ্ধুৱে।
টুইটাৰতো তেওঁ শ্বেয়াৰ কৰে পদত্যাগ পত্ৰখন।
দলৰ বিপৰ্যয়ৰ বাবে ৫ ৰাজ্যৰ সভাপতিৰ পৰা পদত্যাগ বিচাৰিছিল কংগ্ৰেছৰ অন্তৱৰ্তীকালীন অধ্যক্ষ ছোনীয়া গান্ধীয়ে।
তাৰ পিছতে বুধবাৰে মাত্ৰ ৫ টা শব্দৰ পদত্যাগ পত্ৰ লিখি পদবী এৰে নৱজ্যোৎ সিং সিদ্ধুৱে।
উল্লেখ্য যে, পঞ্জাৱত এইবাৰ শোচনীয় পৰাজয় বৰণ কৰে কংগ্ৰেছে।
কংগ্ৰেছৰ আসন স্থিমিত কৰি এইবাৰ চৰকাৰ গঠন কৰিবলৈ সক্ষম হয় আম আদমী পাৰ্টীয়ে।
