শনিবাৰে নিশা লংকা-লামডিং সংযোগী ২৭নং ৰাষ্ট্ৰীয় ঘাইপথৰ নতুন বস্তি অঞ্চলত আৰক্ষী কঢ়িওৱা এখিন বাহন দুৰ্ঘটনাত পতিত হোৱাত আৰক্ষীসহ মুঠ ১৭ জন লোক আহত হয়। জানিব পৰা মতে, লামডিং 2nd APTF বেটেলিয়নৰ জোৱান কঢ়িওৱা AS – 01 AC-3779 নম্বৰৰ বাছখনত আৰক্ষীৰ আন এখন ট্ৰাকে প্ৰচণ্ড খুন্দা মৰাত সংঘটিত হয় এই দুৰ্ঘটনা।
ইফালে, দুৰ্ঘটনাত আহত সকলৰ ভিতৰত আছিল এজন সাধাৰণ লোকো। আহত সকলৰ ১০ জনক সংকটজনক অৱস্থাত নিশাই নগাঁৱৰ ভোগেশ্বৰী ফুকননী চিকিত্সালয়লৈ প্ৰেৰণ কৰা হয়।
