নিউজিলেণ্ডৰ বিৰুদ্ধে ৱেলিংটন টেষ্টত জ’ ৰুটে শতক অৰ্জন কৰিছে। খেলখনৰ প্ৰথম দিনাৰ খেলৰ শেষত তেওঁ ১৮২ টা বলত ১০১ ৰাণ কৰি অপৰাজিত পেভিলিয়নলৈ উভতে। টেষ্ট ক্ৰিকেটত ৮ মাহ অতিবাহিত কৰাৰ পিছত তেওঁ শতক অৰ্জন কৰে। এই শতকৰ সৈতে, তেওঁ কিংবদন্তি বেটছমেন ডন ব্ৰেডমেনৰ শতকৰ অভিলেখৰ সমপৰ্যায়ত উপনীত হৈছে। এইটো জ’ ৰুটৰ কেৰিয়াৰৰ ২৯ শতিকা। ডন ব্ৰেডমেনেও তেওঁৰ কেৰিয়াৰত ২৯ টা শতক অৰ্জন কৰিছিল। ২০১২ চনৰ ডিচেম্বৰত টেষ্ট অভিষেক কৰা জ’ ৰুটে এতিয়ালৈকে তেওঁৰ ১০ বছৰীয়া টেষ্ট কেৰিয়াৰত ১০,৮০১ ৰান সংগ্ৰহ কৰিছে। টেষ্ট ক্ৰিকেটত তেওঁৰ বেটিং গড় হৈছে ৪৯.৭৭। তেওঁ এই ফৰ্মেটত ৫৬ টা অৰ্ধ-শতক অৰ্জন কৰিছে।ৱেলিংটন টেষ্টত জ’ ৰুটৰ গুৰুত্বপূৰ্ণ ইনিংছটো আহিছিল যেতিয়া ইংলেণ্ডৰ দলটোৱে মাত্ৰ ২১ ৰানত ৩ টা উইকেট হেৰুৱাইছিল। ৰুটে হেৰী ব্ৰুকৰ (১৮৪) সৈতে চতুৰ্থ উইকেটৰ বাবে ২৯৪ ৰানৰ অংশীদাৰীত্ব কৰি ইংলেণ্ডক কঠিন পৰিস্থিতিৰ পৰা বাহিৰ কৰে। বৰ্তমান, এই দুয়োজন খেলুৱৈয়ে প্ৰথম দিনৰ খেলৰ শেষত অপৰাজিত পেভিলিয়নলৈ উভতি আহে। উল্লেখ্য যে প্ৰথম দিনা মাত্ৰ ৬৫ অভাৰহে খেলিব পাৰে। বৰষুণৰ বাবে খেলখন স্থগিত কৰিব লগা হয়। জ’ ৰুটে বৰ্তমান তেওঁৰ ১২৯ তম টেষ্ট মেচ খেলি আছে। টেষ্ট ক্ৰিকেটত সৰ্বাধিক ৰান সংগ্ৰহ কৰাৰ ক্ষেত্ৰত তেওঁ ১২ নম্বৰত আছে।
