অভিষেক বৰুৱা, জাজৰিঃ দেওবাৰে পুৱা প্ৰায় ১১ বজাত জাজৰি আৰক্ষী চকীৰ সমীপতে থকা এটা পুখুৰীত এগৰাকী বৃদ্ধ মহিলাৰ মৃতদেহ উদ্ধাৰ হয়। পুখুৰীৰ গৰাকীয়ে সেই স্থানত কাম কৰি থাকোতে লক্ষ্য কৰে মৃতদেহটো। লগে লগে জাজৰী আৰক্ষী চকীত খবৰ দিয়াত আৰক্ষী চকীৰ ভাৰপ্ৰাপ্ত বিষয়া সৈতে আৰক্ষীৰ এটা দল সেই স্থানত উপস্থিত হয়। আৰক্ষীয়ে সন্দেহ প্ৰকাশ কৰা মতে, প্ৰায় ৩ দিন পূৰ্বেই মহিলাগৰাকীৰ মৃত্যু ঘটিছে।
মৃত বৃদ্ধ মহিলাগৰাকীৰ পৰিচয় নগাঁৱৰ জাজৰি থানাৰ অন্তৰ্গত গায়ন গাঁৱৰ ৰাজীৱ বৰাৰ শাহু ৰামেশ্বৰী শইকীয়াৰ বুলি জানিব পৰা গৈছে। মহিলাগৰাকী ২০ এপ্ৰিলত সন্ধানহীন হৈছিল। আৰক্ষীয়ে ঘটনা সন্দৰ্ভত তদন্ত আৰম্ভ কৰিছে আৰু বৰ্তমান মৃতদেহটো নগাঁও অসামৰিক চিকিৎসালয়লৈ মৰণোত্তৰ পৰীক্ষাৰ বাবে প্ৰেৰণ কৰিছে।
