নগাঁৱৰ কচুৱাত ভেজাল ঔষধ বিক্ৰী কৰিবলৈ আহি আৰক্ষীৰ জালত পৰিল দুজন লোক। জানিব পৰা মতে, কচুৱাৰ এখন ফাৰ্মাচীলৈ দুজন লোকে প্ৰায় ১২ হাজাৰ টকা মূল্যৰ সন্দেহযুক্ত ভেজাল ঔষধ বিক্ৰী কৰিবলৈ আহিছিল। কিন্তু ঔষধখিনিক লৈ ফাৰ্মাচিষ্ট জনৰ সন্দেহ হোৱাত তেওঁ ঔষধখিনি মিলাই চায় আৰু সেয়া ভেজাল বুলি নিশ্চিত হয়।
লগে লগে ফাৰ্মাচিষ্টজনে নগাঁও জিলা ফাৰ্মাচিষ্ট এচ’ছিয়েছনক খবৰ দিয়াত সভাপতিগৰাকী উপস্থিত হৈ আৰক্ষীৰ সহযোগত ঔষধসহ দুজন লোকক আটক কৰে । আৰক্ষীয়ে ধনঞ্জয় সৰকাৰ আৰু আন এজনৰ বিৰুদ্ধে গোচৰ ৰুজু কৰি তদন্ত অব্যাহত ৰাখিছে।
