মঙলবাৰে নগাঁও জিলাত আৰক্ষীয়ে অভিযান চলাই ৪৮.৮৪ গ্ৰাম হেৰ’ইনসহ ৩জন ব্যৱসায়ীক গ্ৰেপ্তাৰ কৰিবলৈ সক্ষম হয়।
৪টা চাবোনৰ কেচত হেৰ’ইনখিনি সৰবৰাহৰ চেষ্টা কৰাৰ সময়তে আৰক্ষীয়ে গ্ৰেপ্তাৰ কৰে তিনিওজনক।
ধৃত ড্ৰাগছ ব্যৱসায়ী কেইজনক আকলিমা খাতুন, মোবাৰক আলী আৰু ৰেজিনা খাতুন বুলি জানিব পৰা গৈছে।
আৰক্ষীয়ে জনোৱা মতে, চোৰাংচোৱাৰ তথ্যৰ ভিত্তিত নগাঁও জিলাৰ ৰূপহীহাট থানা আৰক্ষীয়ে ৰূপহী ৰৌমাৰী অঞ্চলৰ এটা ঘৰত তালাচী অভিযান চলাই ঘৰটোৰ পৰা ৪৮.৮৪ গ্ৰাম হেৰ’ইন থকা চাৰিটা চাবোনৰ কেচ উদ্ধাৰ কৰে।
এই সন্দৰ্ভত ৰূপহীহাট থানাত ৰুজু কৰা হৈছে এক গোচৰ।
