নলবাৰী জিলাৰ বৰক্ষেত্ৰীৰ দৌলাশালত দেওবাৰে সন্ধিয়া এটা পৰিত্যক্ত ঘৰৰ পৰা উদ্ধাৰ হয় বৃহৎ পৰিমাণৰ অবৈধ বিলাতী সুৰা।
জানিব পৰা মতে, দৌলাশালৰ জিন্তু দাস নামৰ ব্যক্তিজন কৰ্মসূত্ৰে পৰিয়ালসহ গুৱাহাটীত থকাৰ সুযোগতে তেওঁৰ পৰিত্যক্ত বাসগৃহটো কোনো দুস্কৃতিকাৰীতে অবৈধ বিলাতী সুৰাৰ গুদাম হিচাপে ব্যৱহাৰ কৰি আহিছে।
দেওবাৰে সন্ধিয়া জিন্তু দাসে গুৱাহাটীৰ পৰা ঘৰলৈ আহি ৰাইজৰ সহযোগত পৰিত্যক্ত ঘৰটোত উদ্ধাৰ কৰে মোনা ভৰ্তি অবৈধ বিলাতী সুৰা। লগে লগে জিন্তু দাসে স্থানীয় ৰাইজৰ সহযোগত দৌলাশাল আৰক্ষীক খবৰ দিয়ে। দৌলাশাল আৰক্ষীয়ে ঘটনাস্থলীত উপস্থিত হৈ অবৈধ বিলাতী সুৰাখিনি জব্দ কৰে ।
