দেশত বৃদ্ধি পোৱা যৌন নিৰ্যাতনৰ ঘটনা প্ৰতিৰোধৰ বাবে আন এক গুৰুত্বপূৰ্ণ সিদ্ধান্ত আদালতৰ। ২০২১ চনত জাৰি কৰা তথ্য প্ৰযুক্তি নিয়ম উলংঘা কৰাৰ অপৰাধত পুনৰ নিষিদ্ধ কৰা হৈছে ৬৭টা এডাল্ট ৱেবচাইট।
শেহতীয়াকৈ পুনে আদালতে প্ৰদান কৰা এক ৰায়ৰ ভিত্তিত ৬৩ টা আৰু ২০১৮ চনত উত্তৰাখণ্ড উচ্চ ন্যায়ালয়ে প্ৰদান কৰা ৰায়ৰ ভিত্তিত ৪ টাসহ মুঠ ৬৭টা পৰ্ণ ৱেবচাইট ব্লক কৰিছে ডিঅ’টিয়ে।
পৰ্ণ ৱেবচাইটৰ URL টো ডিলিট কৰাৰ নিৰ্দেশ দিয়া হৈছে। লগতে এই ৱেবচাইটবোৰত যাতে কোনেও লগ ইন কৰিব নোৱাৰে তাৰ প্ৰতি লক্ষ্য ৰাখিবলৈ কোৱা হৈছে। ২০১৮ চনত উত্তৰাখণ্ড উচ্চ ন্যায়ালয়ে ৮৩০টা পৰ্ণ ৱেবচাইট নিষিদ্ধ কৰিছিল। এইবাৰ আৰু প্ৰায় ৭০ টা ৱেবচাইট ব্লক কৰা হৈছে।
মন কৰিবলগীয়া যে তথ্য প্ৰযুক্তি আইন, ২০২১ য়ে স্পষ্ট কৰি দিছে যে এনে কোনো বিষয়বস্তুৱে সম্পূৰ্ণ বা আংশিক নগ্নতা বা যিকোনো ধৰণৰ যৌন কাৰ্যকলাপ দেখুৱাই ৱেবছাইটৰ পৰা আঁতৰাই পেলাব লাগে। বা নিষ্ক্ৰিয় কৰক।
উল্লেখযোগ্য যে দেশত বৃদ্ধি পোৱা যৌন অপৰাধৰ ঘটনাৰ আঁৰত পৰ্ণ আসক্তিক দোষাৰোপ কৰি কেইবছৰমান পূৰ্বে উচ্চতম ন্যায়ালয়ত গোচৰ ৰুজু হৈছিল। ইয়াত কোৱা হৈছে যে নিৰ্ভয়া গোচৰৰ দৰে গোচৰত মোবাইল পৰ্ণ চাই ধৰ্ষণকাৰীসকল নৰকীয় যৌন নিৰ্যাতনত মতলীয়া হৈ পৰে। সেই সময়ত অৱশ্যে কেন্দ্ৰই কৈছিল পৰ্ণ ৱেবচাইট নিয়ন্ত্ৰণ কৰাটো কঠিন। এটা নামেৰে বন্ধ হ’লে আন এটা নামেৰে খুলিবলৈ আৰম্ভ কৰে। কিন্তু তেতিয়াৰ পৰা ক্ৰমান্বয়ে আৰম্ভ হৈছে ৱেবচাইট ব্লক কৰাৰ প্ৰক্ৰিয়া।
