ষ্টাফৰিপোৰ্টাৰ,১০ এপ্রিল: সমগ্র বিশ্বতে কৰ’নাই সৃষ্টি কৰা অভূতপূর্ব সংকতৰ প্রভাৱ আমাৰ দেশ তথা ৰাজ্যতো বেয়াকৈ পৰিছে। বর্তমান অব্যাহত থকা লকডাউনৰ ফলত দুখীয়া, শ্রমজীৱী, দিন-হাজিৰা কৰা বা সৰু-সুৰা ব্যৱসায়ৰ দ্বাৰা দিনটোৰ ভাতমুঠি জোগাৰ কৰা সকলৰ জীৱনলৈ নামি আহিছে অভাৱনীয় দুর্যোগ। এনে অৱস্থাত ৰাজ্যৰ বিভিন্ন সদাশয় ব্যক্তি, চৰকাৰী কর্মচাৰী, স্বেচ্ছাসেৱী অনুষ্ঠান সকলোবোৰ আগবাঢ়ি আহিছে আতুৰজনক সহায় কৰিবলৈ। এই ক্ষেত্রত গুৱাহাটীৰ কাহিলিপাৰাত থকা ভৱদা দেৱী সোঁৱৰণী ন্যাসৰ দ্বাৰা পৰিচালিত নিৰাশ্রীতা বৃদ্ধাৰ আশ্রম ‘চেনেহ’ও পিছ পৰি থকা নাই। ‘চেনেহ’ৰ ফালৰ পৰা মূখ্যমন্ত্রীৰ কোভিড-১৯ সাহায্য নিধিলৈ ৫০,০০০ টকা আৰু ‘চেনেহ’ৰ সভাপতি অতুল চন্দ্র বৰুৱাৰ তৰফৰ পৰা প্রধান মন্ত্রী সাহায্য নিধিলৈ ৫০,০০০ টকা আগবঢ়াইছে। তদুপৰি, ‘চেনেহ’এ যোৱা সপ্তাহত পানীখাইটিৰ ৰাজাবাৰী, কোৰাবাৰী, পশ্চিম সোপা গাওঁ অঞ্চলৰ প্রত্যেকটো দৰিদ্র পৰিয়াললৈ ৫ কেজি চাউল, ১ কেজি দাইল, আৰু আধা কেজি আলুৰ একোটাকৈ টোপোলা বিতৰণ কৰে। ‘চেনেহ’ৰ এই কার্যত স্থানীয় যুৱক বিৰেণ খাকলাৰীয়ে সহায় কৰে। সেইদৰে মহানগৰীৰ লাচিত নগৰত দুটা হৰিজন বস্তিৰ তিনিশ লোকলৈ দুপৰীয়াৰ আহাৰ স্থানীয় যুৱক জয়ন্ত ডেকাৰ তত্বাৱধানত যোগান ধৰা হয়। ভুৱনেশ্বৰ বৰুৱা কর্কট ৰোগ প্রতিষ্ঠানৰ দুশ গৰাকী ৰোগী, তদাৰককাৰী আৰু কর্মচাৰীক দুপৰীয়াৰ আহাৰৰ যোগান ধৰা হয়। উল্লেখ প্রতিষ্ঠানৰ সঞ্চালক ডা: অমল কটকীয়ে নিজে তদাৰক কৰি এই কামত আগভাগ লয়। দুই এদিনৰ ভিতৰতে দুপৰীয়াৰ আহাৰ ৩০০ জনৰ পৰা ৭০০ জনলৈ বৃদ্ধি কৰিব l কর্কট ৰোগ প্রতিষ্ঠানত দিনৰ আহাৰৰ লগতে ৰাতিৰ আহাৰ দিয়াৰ ব্যৱস্থা কৰা হ’ব l চেনেহৰ এই খাদ্য বিতৰণ ব্যৱস্থাত হাইদাৰাবাদৰ স্বেচ্ছাসেৱী অনুষ্ঠান আই পি এ চি এ ‘চেনেহ’ক বিশেষভাৱে সহযোগিতা কৰিছে বুলি ‘চেনেহ’ৰ সভাপতিয়ে এক বিবৃতি যোগে জনাইছে।
Latest article
টাটা এআইজি-এ ৰিটেইল(খুচুৰা) স্বাস্থ্যখণ্ডৰ সুবিধা অধিক সুলভ, চিকিৎসালয়ৰ নেটৱৰ্ক সম্প্ৰসাৰণ কৰিবলৈ মুকলি কৰিছে ‘মেডিকেয়াৰ...
টাটা এআইজি জেনেৰেল ইন্সুৰেঞ্চ কোম্পানীয়ে খুচুৰা স্বাস্থ্য পৰ্টফোলিঅ'ৰ সম্প্ৰসাৰণ আৰু সমগ্ৰ ভাৰতত স্বাস্থ্যসেৱাৰ উপলব্ধতা বৃদ্ধিৰ লক্ষ্যৰে মেডিকেয়াৰ চিলেক্ট নামৰ এক পৰৱৰ্তী প্ৰজন্মৰ স্বাস্থ্য বীমা...
অসমৰ ৰন্ধন পৰম্পৰাক পুনৰুজ্জীৱিত কৰাৰ বাবে ছানৰাইজ স্পাইচেছে আগবঢ়াইছে ‘শিপা বিচাৰি’ ছিৰিজ
আইটিচিৰ ছানৰাইজ স্পাইচেছে অসমৰ সমৃদ্ধ খাদ্যৰ ঐতিহ্য উদযাপনৰ বাবে "শিপা বিচাৰি : এ বেক টু ৰুটছ ছিৰিজ" শীৰ্ষক এক নতুন ৰন্ধন সম্পৰ্কীয় শৃংখলা মুকলি...
বিংগো!তেধেমেধেই গুৱাহাটীত বিহুৰ আমেজ আৰু সোৱাদেৰে আগবঢ়াইছে ‘জমনিৰ আড্ডা’
ৰঙালী বিহুৰ মাদকতাক উধিক জীপাল আৰু উজ্জীৱিত কৰি তোলাৰ মানসেৰে আইটিচিৰ বিংগো! তেধেমেধেই গুৱাহাটীৰ মাজমজিয়াত আৰম্ভ কৰিছে এক অনন্য অভিজ্ঞতাকেন্দ্ৰিক অনুষ্ঠান জমনিৰ আড্ডা। ১৪...