দিব্যাংগ সকলৰ সুবিধা হোৱাকৈ গুৱাহাটীত নিৰ্মাণ কৰা দুখন ফুট অভাৰব্ৰীজ সোমবাৰে উদ্বোধন কৰে স্বাস্থ্যমন্ত্ৰী ড০ হিমন্ত বিশ্ব শৰ্মাই। মন্ত্ৰী শৰ্মাই পুৱা প্ৰথমে খ্ৰীষ্টানবস্তিৰ মিজোৰাম হাউচৰ সমীপত নিৰ্মাণ কৰা ফুট অভাৰব্ৰীজখনৰ উদ্বোধন কৰাৰ পিছতে গণেশগুৰিৰ ৱালফৰ্ডৰ মহেন্দ্ৰ গৃহৰ সমীপৰ ফুট অভাৰব্ৰীজখনৰ উদ্বোধন কৰে।
উল্লেখ্য যে. চুইজাৰলেণ্ডৰ টেকন’লজীৰে নিৰ্মিত দিব্যাংগ সকলৰ বাবে বিশেষ সুবিধাসম্পন্ন মিজোৰাম হাউচৰ সমীপৰ অভাৰব্ৰীজখন নিৰ্মাণৰ বাবে ১০ কোটি ৬লাখ ৭১ হাজাৰ টকা ব্যয় কৰা হৈছে। আনহাতে গণেশগুৰিৰ নৱ নিৰ্মিত ফুট অভাৰব্ৰীজখনৰ বাবে ব্যয় কৰা হৈছে ৯ কোটি ৮৮ লাখ টকা।
