তিনিচুকীয়া আৰক্ষীয়ে দেওবাৰে নাগালেণ্ডৰ নিষিদ্ধ ঘোষিত সংগঠন এনএছচিএন-আইএমৰ দুজন কেডাৰক আটক কৰিবলৈ সক্ষম হয়।
অসম-অৰুণাচল সীমান্তত তিনিচুকীয়া আৰক্ষীয়ে চলোৱা তালাচী অভিযানৰ পিছত নাবালক কেডাৰ দুজনক আটক কৰা হয়।
ধৃত কেডাৰ দুজনক ১৬ বছৰীয়া জংগো সেন খাছা আৰু ১৩ বছৰীয়া নগলট নাংপা বুলি চিনাক্ত কৰা হৈছে। দুয়োজনৰ দখলৰ পৰা বৃহৎ পৰিমাণৰ অস্ত্ৰ-শস্ত্ৰ আৰু গোলাবাৰুদ উদ্ধাৰ কৰা হৈছে।
আৰক্ষীয়ে কেডাৰ দুজনৰ পৰা দুটা এইচ কে ৰাইফল, দুটা আইইডি, তিনিটা মেগজিন, ২৮৩ ৰাউণ্ড সজীৱ গুলী, এটা হেণ্ড গ্ৰেনেড আৰু অন্যান্য আপত্তিজনক নথিপত্ৰ জব্দ কৰিছে।
