তিনিচুকীয়া জিলাৰ অসম-অৰুণাচল সীমান্তৰ জাগুনৰ পৰা অসম ৰাইফলছে এজন আলফা (স্বাধীন)ৰ কেডাৰক আটক কৰিবলৈ সক্ষম হয়। আটক হোৱা বিদ্ৰোহীজনক গিৰীন্দ্ৰ চেতিয়া ওৰফে পবিত্ৰ অসম বুলি চিনাক্ত কৰা হৈছে। অসম ৰাইফলছে সীমান্তৰ জাগুনৰ টিংকুপানী সংৰক্ষিত বনাঞ্চলত এক অভিযানৰ সময়ত কেডাৰ জনক আটক কৰে।
চেতিয়া তিনিচুকীয়া জিলাৰ বৰডুবি আৰক্ষী থানাৰ অন্তৰ্গত জংগনী গাঁৱৰ বাসিন্দা বুলি জানিব পৰা গৈছে।
আনহাতে তেওঁৰ ওচৰৰ পৰা এটা ৯ এমএম পিষ্টল আৰু তিনি ৰাউণ্ড সজীৱ গুলী উদ্ধাৰ কৰা হৈছে।
অসম ৰাইফলছৰ সেনাই আটকাধীন আলফা (আই) বিদ্ৰোহীজনক পৰৱৰ্তী পদক্ষেপৰ বাবে আৰক্ষীৰ হাতত গতাই দিছে।
