ডিজিটেল ডেস্কঃ তামিলনাডুৰ কৃষি মন্ত্ৰী আৰ দোৰিক্কনুৰ শনিবাৰে নিশা কোৰোনা আক্ৰান্ত হৈ মৃত্যু ঘটে। ৭২ বৰ্ষীয় আৰ দোৰিক্কনু যোৱা ১৩ অক্টোবৰত কোৰোনাত আক্ৰান্ত হৈছিল। তাৰ পিছতে তেওঁক কাবেৰী হাস্পতালত ভৰ্তি কৰা হৈছিল। কিন্তু হাস্পতালতে শনিবাৰে নিশা ১১.১৫ বজাত শেষ নিশ্বাস ত্যাগ কৰে কৃষিমন্ত্ৰী গৰাকীয়ে।
তানজাৱুৰ জিলাৰ পাপনাছম বিধানসভা সমষ্টিৰ পৰা ৩ বাৰকৈ বিধায়ক হিচাপে নিৰ্বাচিত হোৱা এআইএডিএমকেৰ নেতাগৰাকীৰ মৃত্যুত গভীৰ শোকৰ ছাঁ পৰিছে তামিলনাডুত। ৰাজ্যখনৰ মুখ্যমন্ত্ৰীৰ লগতে তেওঁৰ সতীৰ্থ সকলে কৃষি মন্ত্ৰীগৰাকীৰ মৃত্যুত গভীৰ দুখ প্ৰকাশ কৰি শোকসন্তপ্ত পৰিয়াললৈ সমবেদনা জ্ঞাপন কৰে।
