ঢকুৱাখনাত সোনৰ চোৰাং সৰবৰাহকাৰীক গ্ৰেপ্তাৰ আৰক্ষীৰ। শনিবাৰে পুৱা অভিযান চলাই আৰক্ষীয়ে গ্ৰেপ্তাৰ কৰে এজন সোনৰ চোৰাং সৰবৰাহকাৰীক।
ঢকুৱাখনা মহকুমাৰ মহকুমা আৰক্ষী বিষয়া সৌমাৰ জ্যোতি ভূঞা, সদৰ থানাৰ অচি মণ্টু ৰাম বৰা, জ্যেষ্ঠ উপ পৰিদর্শক দীনেশ মেধিৰ নেতৃত্বত এটা সশস্ত্ৰ আৰক্ষীৰ দলে সাধাৰণ পোছাকত চলোৱা অভিযানত গ্ৰেপ্তাৰ হয় চোৰাং সোণ সৰবৰাহকাৰীজন।
ঢকুৱাখনা নগৰৰ মাজ-মজিয়াত অৱস্থিত কল্পতৰু কম্প্লেক্সৰ এটা ভাড়াতীয়া কোঠাত অভিযান চলাই আৰক্ষীয়ে গ্ৰেপ্তাৰ কৰে আয়ুব আলী নামৰ ২৩ বছৰীয়া সৰবৰাহকাৰীজনক।
ধৃত যুৱকজনৰ পৰা আৰক্ষীয়ে জব্দ কৰিছে প্ৰায় ৩৩ গ্ৰাম ২২০ মিলিগ্ৰাম ওজনৰ দুটা সোণৰ বিস্কুট। ধৃত যুৱকজনৰ ঘৰ বৰপেটা জিলাৰ বাণীয়েৰা পাৰাত বুলি জানিব পৰা গৈছে। জব্দকৃত সোণখিনিৰ বজাৰ মূল্য প্ৰায় ১ লাখ ৬৬ হাজাৰ ১০০টকা হব।
