ডাঃ মহান বৰবৰুৱা সোঁৱৰণি বঁটা

ষ্টাফৰিপৰ্টাৰ, ২১ জুন : বৈষ্ণৱ পণ্ডিত শশীচন্দ্ৰ বৰবৰুৱা ন্যাসৰ উদ্যোগত প্ৰতি বছৰে ডাঃ মহান বৰবৰুৱা সোঁৱৰণি বঁটা আগবঢ়াই হয় যোৰহাট চৰকাৰী বালক বিদ্যালয়ৰ হাইস্কুল শিক্ষান্ত পৰীক্ষাত সৰ্বোচ্চ নম্বৰ পোৱা ছাত্র জনলৈ। ন্যাসৰ সভাপতি পৰাণ বৰবৰুৱাই এইবাৰৰ বঁটা হাইস্কুল শিক্ষান্ত পৰীক্ষাত ৫ টা বিষয়ত লেটাৰ সহ ৮৯ শতাংশ নম্বৰ লাভ কৰা ৰণী শইকীয়ালৈ এই বঁটা আগবঢ়োৱা হৈছে বুলি জনায়। ৰণী শইকীয়া যোৰহাটৰ পুলিবৰৰ ভাটাগাঁৱৰ জীৱন শইকীয়া আৰু অৰ্চনা শইকীয়াৰ পুত্ৰ। এই বঁটাত আছে নগদ ১৫ হাজাৰ টকা, অভিনন্দন পত্ৰ, কিতাপৰ টোপোলা আদি। এই বঁটা অসম শংকৰদেৱ সংঘৰ যোৰহাট শাখাই আগন্তুক গুৰু জয়ন্তীৰ দিনা প্ৰদান কৰিব।