গুৱাহাটীঃ চৰাইদেউত সোমবাৰে পথ দুৰ্ঘটনাত দুজন লোক নিহত হোৱাৰ বিপৰীতে আন এজন লোক আহত হয়।
টেঙাপুখুৰীৰ সমীপৰ ধমধুলি গাঁৱত সংঘটিত হয় এই দুৰ্ঘটনা।
নিহত দুজনৰ নাম প্ৰবীণ মালিয়া আৰু দেবেন বৰা।
জানিব পৰা মতে, এখন মটৰ চাইকেল আৰু এখন স্কুটিৰ মুখামুখি সংঘৰ্ষৰ ফলত এই দুৰ্ঘটনা সংঘটিত হয়।
দুৰ্ঘটনাটোৰ পিছতে দুজন লোক থিতাতে নিহত হোৱাৰ বিপৰীতে আন এজন লোক আহত হয়।
আহত লোকজনক চিকিৎসাৰ বাবে চিকিৎসালয়লৈ লৈ যোৱা হৈছে।
অৱশ্যে আহতজনৰ পৰিচয় এতিয়াও জানিব পৰা হোৱা নাই।
