অসম গৌৰৱ এশিঙীয়া গঁড় চোৰাং চিকাৰ সৈতে জড়িত থকা চাৰিজন লোকক গ্ৰেপ্তাৰ কৰিছে অসম আৰক্ষীয়ে । সূত্ৰ খবৰ অনুসৰি, এই চাৰি চোৰাং চিকাৰী ওৰাং ৰাষ্ট্ৰীয় উদ্যানত গঁড় চোৰাং চিকাৰৰ লগত জড়িত থকা বুলি সন্দেহ কৰা হৈছে । উল্লেখ্য় যে, গোপন সূত্ৰৰ তথ্য ভিত্তিত নাকা চালাচী চলাইছিল দৰং আৰক্ষীয়ে । আৰক্ষীৰ সূত্ৰই সদৰী কৰা মতে, এই চাৰি চোৰাং চিকাৰিয়ে ওৰাং ৰাষ্ট্ৰীয় উদ্যানত গঁড়ৰ চোৰাং চিকাৰৰ পৰিকল্পনা কৰিছিল বুলি জানিব পৰা গৈছে ।
