ৰিদিপ বৰঠাকুৰ, বিশ্বনাথ: আজি ৩ দিন ধৰি সন্ধানহীন হৈ আছে বিশ্বনাথ চাৰিআলি আৰক্ষী থানাৰ অন্তৰ্গত খৰাশিমলুৰ বকুল বৰাৰ ৩ বছৰ ১০মহীয়া পুত্ৰ সন্তান ঋতুপৰ্ণ বৰা ৷ জানিব পৰা অনুসৰি, শুক্ৰবাৰে পুৱা ৯ মান বজাত চোতালত খেলি থকাৰ পৰাই সন্ধানহীন হৈ আছে শিশুটি। ইফালে শিশুটিৰ সন্ধানত ভাত-ঘুমটি নোহোৱা হৈছে পৰিয়ালটোৰ।
পৰিয়ালে বিশ্বনাথ চাৰিআলি আৰক্ষী থানাত শিশুটিৰ নিৰুদ্দেশ সন্দৰ্ভত এজাহাৰ দাখিল কৰিছে যদিও আৰক্ষীয়ে বৰ্তমানলৈকে কোনো ধৰণৰ অনুসন্ধান বা তদন্ত আগবঢ়োৱা নাই বুলি অভিযোগ কৰিছে পৰিয়ালৰ লোকে। ইফালে হঠাৎ এনেদৰে এটি শিশু নোহোৱা হোৱাত অসুস্থ হৈ পৰে শিশুটিৰ মাতৃ! বৰ্তমান দিন-হাজিৰা কৰি জীৱন নিৰ্বাহ কৰা অতিকৈ দৰিদ্ৰ পৰিয়ালটি ভাৰাক্ৰান্ত হৈ পৰিছে ৷
অন্যহাতে এই ঘটনাই অঞ্চলটোত তীব্ৰ চাঞ্চল্যৰ সৃষ্টি কৰিছে।পৰিয়ালৰ অনুৰোধ, যদি কোনোবাই শিশুটিৰ সন্ধান পায় শীঘ্ৰে শিশুটিৰ পিতৃ তথা পৰিয়ালৰ সৈতে বা ৮০৯৯৫৮৭১২৩ নম্বৰৰ যোগাযোগ কৰে যেন।
