চিৰাঙৰ বিজনী থানাৰ অন্তৰ্গত ডাঙাইগাঁৱত আৰক্ষীয়ে অভিযান চলাই ড্ৰাগছসহ এজনক আটক কৰে ৷ ধৃত ড্ৰাগছ ব্যৱসায়ীজনৰ নাম জহিৰুল আলী বুলি জানিব পৰা গৈছে ৷ আৰক্ষীয়ে ড্ৰাগছ ব্যৱসায়ীজনৰ পৰা ১৪ গ্ৰাম ড্ৰাগছৰ লগতে এখন বাইক আৰু মোবাইল ফোন জব্দ কৰে ৷
ইফালে, ধৃত জহিৰুল আলীৰ স্বীকাৰোক্তিৰ ভিত্তিত আৰক্ষীয়ে গৰাইমাৰীৰ লোক এজনৰ ঘৰত অভিযান চলাই তিনি লক্ষাধিক টকা জব্দ কৰে ৷ আনহাতে বঙাইগাঁও জিলাৰ গেৰুকাবাৰী উপ আৰক্ষী চকীৰ অন্তৰ্গত গৰাইমাৰীত আৰক্ষীয়ে ইছৰাফিল ইছলাম নামৰ ড্ৰাগছ ব্যৱসায়ীজনক আটক কৰে ৷ ধৃত ড্ৰাগছ ব্যৱসায়ীৰ পৰা দহটা ড্ৰাগছ ভৰ্তি কন্টেনাৰ জব্দ কৰিবলৈ সক্ষম হয় ৷
