বৃহস্পতিবাৰে নিশা গোৱালপাৰা জিলাৰ বলবাল্লাৰ গোধাৰবডী অঞ্চলত দুখন বাহনৰ মাজত সংঘটিত মুখামুখি সংঘৰ্ষত ৫ জন লোক নিহত হয়।
জানিব পৰা মতে, এএছ ০১ ডিইউ ১৪২৬ নম্বৰৰ এখন হুণ্ডাই ইয়নে এএছ ২৩ ৬৫০১ নম্বৰৰ এখন মাৰুতি চুইফ্ট ডিজিয়েৰত খুন্দা মৰাত দুৰ্ঘটনা সংঘটিত হয়।
ইফালে ঘটনাস্থলীত কিছু পলমকৈ উপস্থিত হোৱা আৰক্ষীয়ে স্থানীয় ৰাইজৰ সহযোগত দুৰ্ঘটনাত পতিত সকলক হাস্পতাললৈ প্ৰেৰণ কৰে যদিও তেতিয়ালৈকে ৫ জন লোকে মৃত্যুবৰণ কৰে। ঘটনাক কেন্দ্ৰ কৰি অঞ্চলটোত উত্তেজনা অব্যাহত আছে।
আনহাতে নিহত ব্যক্তিসকলৰ চিনাক্তকৰণ অব্যাহত ৰাখিছে আৰক্ষীয়ে। দুৰ্ঘনাটো কিদৰে সংঘটিত হল সেয়া এতিয়াও জানিব পৰা হোৱা নাই।
