গোলাঘাটৰ পাঁচআলিত উত্তেজনা ৷ চিমেণ্ট ভৰ্তী ট্ৰাক আৰু বাইকৰ মুখামুখি সংঘৰ্ষ।গোলাঘাটৰ পাঁচ আলিত বুধবাৰে পুৱা প্ৰায় ৯-৩০ বজাত এক উত্তেজনাময় পৰিস্থিতিৰ সৃষ্টি হয় ৷ AS-01 MC 1885 নম্বৰৰ ট্ৰাক আৰু AS 05 D-0120 নম্বৰৰ বাইকৰ মাজত মুখামুখি সংঘৰ্ষ হয় ৷ যোৰহাটৰ পৰা চিমেণ্ট ভৰ্ত্তি ট্ৰাক খন আহি আছিল ৷ আনহাতে বাইকখনত গোলাঘাটৰ চন্দন নগৰৰ এগৰাকী পুৰুষ আৰু মহিলা আহিথকাৰ সময়ত ঘটনাটো সংঘতিত হয় ৷মহিলাগৰাকী পৰিযোৱাত হাতত সামান্য জখম হয় ৷ সেই সময়তে একাংশ যুৱকৰ আগমন ঘটে আৰু ট্ৰাক চালকৰ পক্ষত থাকি বাইক আৰোহিৰ সৈতে তৰ্ক বিতৰ্কত লীপ্ত হোৱাত এক উত্তেজনাময় পৰিবেশৰ সৃষ্টি হয় ৷ পিছত যানবাহন নিয়ন্ত্ৰণ শাখাৰ আৰক্ষী আহি পৰিস্থিতি নিয়ন্ত্ৰণ কৰি দুয়োটা পক্ষকে থানালৈ লৈ যায় ৷
